A ndiheni të shqetësuar dhe të stresuar? Gjumi i thellë mund t’ju ndihmojë në rigjenerimin e trurit, sipas një studimi të fundit! Kërkimi i kryer në Universitetin e Kalifornisë në Berkeley, botuar në revistën shkencore Nature Human Behavior, thotë se gjumi i mirë ndihmon në luftimin e ankthit dhe stresit; ndërsa nga ana tjetër, një natë pa gjumë do të rriste nivelin e ankthit me 30%.

Çfarë është gjumi i thellë

Gjumi i thellë është faza më e rëndësishme e ciklit të gjumit gjatë të cilës aktiviteti i trurit ngadalësohet. Sipas hulumtimit, është gjithashtu lloji më i përshtatshëm i gjumit për të qetësuar një mendje të shqetësuar: në këtë gjendje truri lëshon valë të mëdha dhe të ngadalta dhe nuk është shumë i ndjeshëm ndaj stimujve të jashtëm, ndërsa presioni i gjakut dhe rrahjet e zemrës ngadalësohen. Kjo është edhe arsyeja pse zgjimi në këtë fazë bëhet shumë më i vështirë.

Është një anksiolitik natyral

Studiuesit ekzaminuan dy grupe njerëzish që përdorin MRI dhe polisomnografi, e cila përdoret për të matur dhe vlerësuar cilësinë e gjumit. Rezultatet e testeve treguan se njerëzit që flinin më shumë dhe më mirë gjatë natës ishin më pak të shqetësuar dhe të stresuar të nesërmen. Sipas autorit Matthew Walker, falë këtij studimi, u identifikua ky funksion i ri i gjumit të thellë, i cili në fakt zvogëlon ankthin gjatë pushimit të natës dhe rigjeneron trurin. Gjumi, vepron si një anksiolitik natyral, me kusht që të flini mirë dhe mjaftueshëm çdo natë.

Roli që ka stili i jetesës

Jo të gjithë e dinë që kohëzgjatja dhe cilësia e gjumit kanë të bëjnë me ushqyerjen dhe zakonet e sjelljes. Angazhimet e punës, familja, jeta shoqërore dhe takimet e ndryshme mund të rrezikojnë shëndetin deri në një kontradiktë të vërtetë: ju lodheni dhe stresoheni në fund të ditës, por, përkundër gjithçkaje, e keni gjithashtu shumë e vështirë t’ju zërë gjumi.

Këshilla për një gjumë të mirë

Para se të shkoni për të fjetur është më mirë të mos: shpejtoni ose të hani shumë, të konsumoni ushqime stimuluese, ushqime të kripura dhe të përpunuara, të shikoni filma horror ose të kontrolloni celularin, tabletin, kompjuterin dhe pajisje të tjera teknologjike dhe në vend të karbohidrateve të pasura me triptofan, të tilla si orizi, elbi, makaronat dhe buka, të pini çajra bimorë qetësues që ndihmojnë gjumin.

Kohëzgjatja e gjumit

Sipas ekspertëve, një natë ideale e gjumit duhet të jetë 6-8 orë, jo më shumë, as më pak. Kjo, pasi gjumi më pak se 6 orë rrit rrezikun e goditjes në tru dhe sëmundjen koronare të zemrës, ndërsa gjumi për më shumë se 8 orë rrit rrezikun për trurin dhe zemrën.