Muzikoterapia; pse na bën mirë të dëgjojmë muzikë? 5 përfitime psikologjike të saj. Nga Anxhela Dokoll, psikologe

Dëgjimi i muzikës  së  preferuar padyshim që  na bën  të  ndihemi  mirë   dhe  na  argëton, por studiuesit kanë  arritur në  konkluzionin se  fuqia  e  muzikës  është akoma më  e madhe, pasi ajo mund  të  ndikojë   pozitivisht  në   shëndetin tonë  fizik dhe mendor

 

1)Muzika redukton stresin

Sa herë që dëgjoni muzikën, niveli juaj i stresit ulet. Ky është një zbulim i rëndësishëm, pasi 60 për qind e të gjitha sëmundjeve tona, shkaktohen nga stresi. Një studim tregoi se njerëzit që prodhonin muzikë dhe këndonin, kishin sistem imunitar më të fortë sesa ata që thjesht dëgjonin muzikë apo te tjerë të cilët  nuk preferonin të dëgjonin fare.

2) Muzika  rrit  inteligjencen  verbale

Pas vetëm një muaji leksionesh muzikore, një studim nga Universiteti i Nju Jorkut ka treguar se 90 për qind e fëmijëve nga moshat 4 deri në 6 vjeç, kanë një rritje të inteligjencës verbale. Nuk ka rëndësi nëse jeni të rritur apo fëmijë, nëse dëshironi të nxisni aftësitë verbale, përpiquni të merrni leksione muzike.

3) Dëgjimi i muzikës mund të përmiësojë motivacionin

E keni menduar ndonjëherë   pse ushtrimet  fizike duken  më   të  lehta  teksa I kryejmë duke  dëgjuar  muzike ? Studiuesit kanë  zbuluar se dëgjimi I muzikës   me ritme te shpejta I motivon njerëzit  të  punojnë   më   shumë  . Nëse  po planifikoni  të  filloni stërvitjen ,sigurohuni më   parë të  keni dhe  një   listë   me  kë ngët  ritmike qe ju  pë lqejnë  më  shumë.

4) Muzika mund të ndihmojë të flesh më mirë         

Pagjumësia është një problem serioz që prek njerëzit e të gjitha grupmoshave. Ndërsa ekzistojnë shumë mënyra për të trajtuar këtë problem, studime te ndryshme  kane provuar se të dëgjuarit e muzikës klasike relaksuese mund të jetë një ilaç i sigurt, efektiv dhe i përballueshëm.Në një studim që shikonte studentët e kolegjit, pjesëmarrësit dëgjuan muzikë klasike, një audiobook, ose asgjë në gjumë për tre javë. Studiuesit vlerësuan cilësinë e gjumit si para ashtu edhe pas ndërhyrjes. Studimi zbuloi se pjesëmarrësit që kishin dëgjuar muzikë kishin cilësi dukshëm më të mirë të gjumit sesa ata që kishin dëgjuar audiobook ose nuk kishin marrë asnjë ndërhyrje.

5)  Muzika mund të përmirësojë performancën njohëse   

Hulumtimet sugjerojnë që muzika në sfond, ose muzika që luhet ndërsa dëgjuesi është kryesisht i përqendruar në një aktivitet tjetër, mund të përmirësojë performancën në detyrat njohëse te të rriturit. Kështu që herën tjetër kur jeni duke punuar në një detyrë, merrni parasysh që të ndizni pak muzikë në sfond nëse po kërkoni një nxitje në performancën tuaj mendore. Konsideroni të zgjidhni këngë instrumentale, dhe jo me tekste komplekse, të cilat mund  të jenë  shpërqëndruese.

 

 

MUZIKOTERAPIA : Terapia muzikore është  disiplinë  shkencore, një  ndërthurje e muzikës me mjeksinë e psikologjinë, ku persona të  kualifikuar (terapeutet muzikor) merren me trajtimin dhe shërimin e pacientëve që  kanë  probleme të  ndryshme fizike dhe psikike.

Studimet tregojnë  se terapia muzikore është e dobishme për të gjithë individët, si fizikisht ashtu edhe mendërisht. Përfitimet e terapisë muzikore përfshijnë ritmin e përmirësuar të zemrës, uljen e ankthit, stimulimin e trurit dhe mësimin e përmirësuar. Terapistët muzikorë përdorin teknikat e tyre për të ndihmuar pacientët e tyre në shumë fusha, duke filluar nga lehtësimi i stresit para dhe pas operacioneve deri te neuropatologjitë siç është sëmundja e Alzheimerit.

Si  përfundim, dëgjimi i muzikës  mund  të  jetë  çelësi për  një shëndet  më  të  mirë; konsiderojeni dhe pë rpiquni  të  dëgjoni kënget e preferuara sa  më  shumë.

 

 

 

Add Your Comment