Edhe nëse jeni personi më pozitiv, në ambientin e punës mund të bëheni pjesë e situatave të pakëndshme, konfliktuale etj, duke marrë parasysh se aty kaloni një pjesë të madhe të ditës dhe rrethoheni nga njerëz me formime të ndryshme nga juaji.

Tri këshilla si mund të shmangni konfliktet në ambientin e punës:

Bëni një analizë personale të fakteve

Vlerësoni situatën në të cilën ndodheni. Pyeteni veten nëse problemet janë profesionale apo personale? Cila është arsyeja e gjendjes suaj shpirtërore? A i plotëson me të vërtetë vendi i punës pritshmëritë tuaja?

Raporti me kolegët e rinj

Nëse besoni se problemet tuaja janë për shkak të sjelljes jo korrekte të personit që është punësuar së fundmi, atëherë duhet të reagoni. Përcaktoni qartë ndarjen e detyrave, në mënyrë që secili të mbajë përgjegjësitë e veta.

Përpiquni të krijoni harmoni

Gënjeshtrat, mëritë, mbajtja e inatit vetëm sa do ta bëjnë më të pakëndshëm ambientin për ju. Mundohuni të jeni të kujdesshëm, të mos përdorni tone të larta zëri, të thoni gjithmonë të vërtetën dhe të mos lini situata pa sqaruar, pasi kjo vetëm do të shtonte dyshimet.