Nënat me martesa të shumëfishta pas tyre nuk do të ishin në gjendje t’i mësonin fëmijët të lidhen siç duhet, duke ndikuar edhe në marrëdhëniet e tyre të dashurisë. Të paktën këtë sugjeron një studim i kryer nga një ekip studiuesish amerikanë në Universitetin Shtetëror të Ohajos, i botuar në revistën “Plos One”, sipas të cilit nëse nënat kanë më shumë marrëdhënie dhe histori dashurie jo të sukesshme, fëmijët janë më pak të aftë për të krijuar marrëdhënie të qëndrueshme dhe do të jenë “të pafat” në dashuri.

Një studim 24-vjeçar me mbi 7000 njerëz

Autorët e studimit që analizuan se pse disa janë të pafatë në dashuri u bazuan në informacionin e mbledhur nga dy anketa të tjera (National Longitudinal Survey of Youth 1979 dhe Longitudinal Survey of Youth Child and Young Adult), një i kryer mbi një grup grash dhe një rreth fëmijëve të tyre biologjikë. Të dy sondazhet ndoqën të njëjtët pjesëmarrës për 24 vjet. Në përgjithësi, ekspertët shqyrtuan të dhënat në lidhje me 7,152 persona, përfshirë nënat dhe fëmijët. Në veçanti, ata morën parasysh jetën e tyre të dashurisë dhe numrin e marrëdhënieve afatgjata që kishin. Qëllimi ishte për të kuptuar nëse kishte ndonjë lidhje midis sjelljes së nënave dhe fëmijëve në marrëdhëniet në çift.

Nënë e tillë, fëmijë të tillë?

Analiza tregoi se, në fakt, fëmijët priren të përsërisin veprat e prindërve të tyre edhe në lidhje me marrëdhëniet intime. Në të vërtetë, u zbulua se të rriturit, nënat e të cilëve kishin pasur më shumë martesa, bashkëjetesa dhe divorce, gjithashtu prireshin të ishin më të paqëndrueshëm, të kishin më shumë lidhje dhe në përgjithësi të ishin fatkeq në dashuri. Më të ndikuarit nga shembulli “i keq” i nënave ishin fëmijët e parë të familjes. “Ajo që sugjerojnë gjetjet tona është se nënat mund t’ua përcjellin karakteristikat dhe aftësitë e tyre relacionale fëmijëve të tyre, për mirë ose për keq”, komentuan autorët. Është e mundur që nënat që kanë pasur partnerë të shumtë në jetën e tyre të mos zotërojnë aftësi të mëdha ndërpersonale ose të mos jenë në gjendje të menaxhojnë konfliktet: në të dyja rastet, çifti mund të dobësohet dhe të hyjë në krizë. Epo, sipas këtij studimi, këto karakteristika mund t’u kalohen disi fëmijëve, duke i bërë edhe marrëdhëniet e tyre më pak të qëndrueshme.

Nuk ka asnjë recetë magjike që siguron lumturinë në dashuri. Me siguri, që një lidhje të funksionojë, duhet dialog, përkushtim, dëshirë, por edhe njëfarë autonomie.