Bebet ushqehen në raport me përmasat e trupit të tyre, shumë më tepër sesa të rriturit. Për këtë arsye, në procesin e rritjes, herët a vonë, ata fillojnë të hanë më pak.
Arsyeja për këtë ndryshim rreth vitit të parë të jetës është ngadalësimi i rritjes. Disa fëmijë pushojnë së ngrëni (pra, hanë me një ritëm shumë më të ngadaltë se më përpara) në nëntë muaj dhe të tjerë presin deri në një vit e gjysmë apo në dy vjet. Gjatë vitit të parë, foshnjat shëndoshen dhe rriten më shpejt se në çdo kohë tjetër në jetën e tyre jashtëuterine.
Megjithatë, gjatë vitit të dytë, rritja është shumë më e ngadaltë: rreth 9 cm në gjatësi dhe disa kilogramë. Sipas llogaritjeve të ekspertëve, fëmijët e një vjeç e gjysmë hanë pak më shumë se ata nëntë muajsh dhe prindërit, të cilët nuk janë të informuar për këtë fakt, mendojnë se nëse në një vit fëmija i tyre ha aq shumë, në vitin e dytë të jetës ata do të hanë dy herë më shumë. Rezultati është një konflikt i pashmangshëm dhe i dhunshëm midis prindërve dhe fëmijës.
7 këshilla për të edukuar sjelljen e të ngrënit të fëmijëve:
Prindërit mund të bëjnë shumë për të edukuar siç duhet fëmijët e tyre në zakone të mira të ngrënies, në mënyrën e të ngrënit, në mënyrën e tyre të kërkimit të ushqimit dhe në perceptimin e tyre të ushqimit.
- Krijoni një mjedis të këndshëm
Koha e ngrënies duhet të jetë e këndshme dhe e nevojshme për fëmijën. Shmangni që ushqimi të kushtëzohet nga ndëshkimi, nëse nuk e përfundon pjatën.
- Ndryshoni perceptimin tuaj për sasinë e ushqimit
Shërbejeni fëmijës tuaj sasinë e ushqimit që i nevojitet bazuar në moshën e tij në pjatën më të madhe. Në këtë mënyrë, do të perceptojë se ka një sasi të vogël ushqimi në pjatë.
- Inkurajoni autonominë e tyre
Kjo mund ta motivojë atë të shtrojë tryezën, ta ndihmojë veten në të ngrënë dhe të ketë autonomi për shijet e tij të ushqimit.
- Mësojeni të hajë në familje
Kurdo që të keni mundësi, hani vaktet në familje në mënyrë që ai të përvetësojë zakonet e të ngrënit të të rriturve, duke asimiluar sjelljen dhe modelet e familjes.
- Inkurajoni një dietë të ekuilibruar
Lejimi i tij për të zgjedhur menunë e tij mund të ndikojë në suksesin ose dështimin e ngrënies së tij. Suksesi do të thotë që fëmija duhet të provojë një larmi ushqimesh të shëndetshme për t’u mësuar me shije të ndryshme.
- Shmang përjashtimet gjatë rregullave të të ngrënit
Koha e ngrënies ka një vend, kohë dhe një qëllim të qartë dhe të domosdoshëm.
- Ofroni vetëm atë që i duhet
Mos prisni që fëmija të hajë të njëjtën sasi ushqimi si ju. Lëreni të vendosë dhe të hajë sasinë e ushqimit që i nevojitet për të plotësuarur urinë dhe për të zhvilluar shijet e tij në një mënyrë të shëndetshme.
