Ndikimet e pandemisë në shendetin mendor të fëmijëve dhe adoleshentëve

Ka hulumtime të shumta që nxjerrin në pah sesi nivelet e larta të stresit dhe izolimit mund të ndikojnë në zhvillimin psiko-fizik të fëmijëve dhe adoleshentëve, edhe në afat të gjatë, me efekte më të rënda për ata që gjenden në situata të varfërisë ekonomike, sociale dhe arsimore. Kjo shpjegon pse pandemia po rrezikon seriozisht shëndetin mendor të fëmijëve.

Çrregullime ankthi dhe nervozizmi

Ndër simptomat e ndryshme psikologjike të shqetësimit të përjetuar nga fëmijët dhe adoleshentët janë çrregullimet e ankthit, gjumi, nervozizmi, regresioni, gjithashtu për shkak të formave të ndryshme të kufizimit të autonomisë së lëvizjes, përfshirë pezullimin e ndjekjes së shkollës në klasa (mësimi on line).

Instituti i Lartë i Shëndetit në Itali shqyrtoi disa studime mbi këtë temë. Këto përfshijnë një hulumtim nga Universiteti i Harvardit, i kryer në mars dhe prillin e kaluar në një mostër prej 3,453 individësh. Nga analizimet e kryera rezultoi se 65% e fëmijëve nën 6 vjeç dhe 71% mbi 6 vjeç, kishin probleme të sjelljes dhe simptoma të regresionit.

Nën moshën 6 vjeç çrregullimet më të shpeshta ishin rritja e nervozizmit, çrregullimet e gjumit dhe ankthit (shqetësim, ankthi i ndarjes), ndërsa te fëmijët mbi 6 vjeç, çrregullimet e ankthit, ndjenja e mungesës së ajrit ishin mbizotëruese. Dhe gjumi.

Problemet e adoleshentëve

Sa për adoleshentët, një studim i Departamentit të Shkencave Formuese, Psikologjike dhe të Komunikimit të Universitetit Suor Orsola Benincasa të Napolit të kryer në 300 studentë, zbuloi se ankthi, depresioni, ndryshimi i ritmeve të gjumit dhe sasia e cilësia e ushqimit kanë qenë pasojat kryesore të urgjencës shëndetësore të koronavirusit mbi një vit tek adoleshentët.

Ajo që mund të ndikojë pozitivisht është qëndrimi mbështetës i prindërve në modulimin e reagimeve emocionale të fëmijëve të tyre lidhur me stresin. Po aq i rëndësishëm është roli i mësuesve dhe profesionistëve në fushat pediatrike, psikologjike dhe neuropsikiatrike.

Add Your Comment