Me përhapjen e koronavirusit (COVID-19), pjesa më e madhe e  njerëzve ka qenë në  izolim në shtëpi, gjë që për shumë çifte do të thotë të kaloni shumë më tepër kohë së bashku. Mund të ketë shumë përfitime për këtë, megjithatë mund të ketë disa sfida pasi çiftet shikojnë edhe ndryshimet në marrëdhëniet e tyre. Marrëdhëniet që ne formojmë me njerëzit e tjerë janë jetike për mirëqenien tonë mendore dhe emocionale dhe me të vërtetë, mbijetesën tonë. Një marrëdhënie pozitive mund të ndahet midis dy personave që duan, mbështesin, inkurajojnë dhe ndihmojnë njëri-tjetrin praktikisht, si dhe emocionalisht. Për shumë çifte, të qenit në shtëpi së bashku për një kohë kaq të gjatë dhe të pacaktuar kohore është një përvojë krejtësisht e re, kjo do të thotë të përballesh me një të ardhme të asaj që aktualisht është një kohë e pacaktuar e kaluar në shoqërinë e njëri-tjetrit. Komunikimi i qartë është thelbësor veçanërisht për çiftet ku të dy partnerët po përpiqen të punojnë nga shtëpia,  koha e kujdesit nëse kanë fëmijë duhet të përcaktohet qartë. Gjithashtu  kalimi i kohës së bashku si çift ose si familje mund të jetë i dobishëm për t’i ndihmuar të gjithë të mbajnë një perspektivë më realiste gjatë kësaj periudhe karantinimi. Të jesh së bashku në një hapësirë ​​të vogël për një periudhë shumë më të gjatë se zakonisht në kushte stresuese do të thotë më shumë mundësi për të forcuar dinamikën pozitive dhe për të mbajtur sa më larg ato negative. Marrëdhëniet me një themel të fortë do të triumfojnë dhe madje do të aktivzojnë aftësitë më të mira përshtatëse dhe ato krijuese, ndërsa tek ato cifte që  karakterizohen nga aftësi të dobëta negociuese, komunikim shkatërrues dhe mungesë vlerësimi ka më shumë të ngjarë ta përjetojnë nën stres këtë periudhë karantinimi.

 

Si të ruani marrëdhënien tuaj?

Ky lloj ndryshimi i papritur kërkon shumë aftësi për t’u përshtatur dhe kur të gjithë jemi duke qëndruar të karantinuar nga COVID-19.  Përveç punës në shtëpi dhe të qëndruarit pothuajse 24 orë të vendosur në një apartament  me partnerin tuaj  kur nuk jeni mësuar dhe me gjithçka tjetër, është shumë për kapacitetin tonë mendor që të përballojë këtë situatë. Për disa çifte, duke qëndruar brenda së bashku në hapësirën e tyre të vogël për disa javë, tingëllon si një ëndërr e realizuar. Por për çifte të tjera, kjo mund të jetë makthi i tyre më i keq. Konsiderata nëse ju dëshironi të kaloni një kohë të pacaktuar me partnerin tuaj mund të jetë një vendim i vështirë, veçanërisht nëse nuk keni kaluar periudha të gjata kohe së bashku. Në këto raste komunikimi i qartë është jashtëzakonisht i rëndësishëm për t’u marrë parasysh përpara se të vendosni për karantinë me dikë afatgjatë. Karantinat mund të jenë situata të larta stresi, nëse individët nuk janë të pajisur të kenë biseda të gjata ose të kenë hapësirë ​​për emocionet e njëri-tjetrit, do të jetë mjaft e vështirë të karantinohen së bashku. Nëse ju keni zgjedhur te jeni në shtëpi me partnerin tuaj dhe po kaloni gjithë kohën tuaj së bashku, sigurohuni që të keni disa periudha kohore, ku secili po bën gjërat tij. Mundohuni më të mirën tuaj për të parë aspektet pozitive të bashkëshortit tuaj, shprehuni në mënyrë pozitive për të shmangur keqkomunikimet, qëndroni larg sulmeve verbale, mos minimizoni rëndësinë e ndjenjave të partnerit tuaj, shmangni përfshirjen në çështje të ndjeshme që mund të çojnë në argumente të nxehta, që mund të ju dërgojë në debate dhe t’i mbani inat njëri-tjetrit .

 

 

Këshillat e mëposhtme mund t’ju ndihmojnë në menaxhimin e këtij tranzicioni me partnerin tuaj:

– Një marrëdhënie e shëndetshme duhet të ketë një ekuilibër të mirë të kohës duke kaluar së bashku si çift por dhe duke kaluar kohë vetëm. Ajo që një person mund ta konsiderojë si kohë të mjaftueshme, mund të mos jetë e mjaftueshme për tjetrin. Me rritjen e kohës së bashku në të njëjtin vend, është e dobishme të flasim për nevojat tuaja dhe të respektoni nevojat e ndryshme të partnerit tuaj për hapësirë ​​ose afërsi.

– Mos harroni se edhe në mes të një periudhe izolimi fizik social, është e rëndësishme të planifikoni për një kohë cilësore si çift. Kjo mund të nënkuptojë të fuenizoni sebashku frigoriferin tuaj me menune pershtatese qe ju deshironi, të gatuani një vakt së bashku ose të planifikoni një mbrëmje relaksuese në shtëpi.

– Mundohuni të keni biseda të përditshme të cilat nuk kanë të bëjnë me pandeminë. Jini të ndërgjegjshëm dhe përqendrohuni në momentin aktual. Eshte e rendesishme qe çiftet mund te bëjnë shumë gjera gjatë kohës së detyruar së bashku, ato gjithashtu mund të bëhen shumë më të afërt dhe të lidhur në mënyra të reja.

-Një opsion tjetër pozitiv që çiftet mund ta bëjnë është duke ndërmarrë një projekt të përbashkët në të cilin mund të përfshihen, të interesohen dhe ta shijojnë. Puna për një projekt së bashku mund të jetë e dobishme dhe plotësimi i saj mund t’ju japë të dyve një ndjenjë përmbushjeje.

– Është e dobishme për të mbajtur lidhjet tuaja sociale jashtë marrëdhënies tuaj me partnerin tuaj, të tilla si me miqtë tuaj, familjen dhe rrjetet e mbështetjes profesionale. Mund të përfitoni nga opsionet e konferencave telefonike dhe video dhe aplikacionet celularë në mungesë të takimeve ballë për ballë.

-Praktikoni empatinë. Reagimi i të gjithëve ndaj kësaj situate do të jetë unik i tyre. Merrni kohë për të bërë pyetje të njëri-tjetrit se si ndiheni. Zgjidhja e problemeve nuk është me të vërtetë qëllimi. Nevojat njerëzore kanë të bëjnë më shumë me ndjenjën per te  dëgjuar, mbeshtetur dhe të vlersuar sa me shume njeri tjetrin .

-Kërkoni pjesët më të mira të marrëdhënies tuaj dhe dyfishoni ato. Tani është koha për të bërë më shumë planifikime dhe ndoshta pse jo per te menduar zgjerimin e familjes tuaj (kohen per te sjelle ne jete nje femije) dhe të vlerësojmë atë që ju mban së bashku si çift.

-Nëse jeni ankuar prej kohësh që oraret tuaja janë shumë kaotike për të përballuar kohë cilësore së bashku, përpiquni të përdorni krizën aktuale për të gjetur më shumë kohë për lumturuar njeri tjetrin, per te shprehur dashurine tuaj me te zjarrte ne drejtim te partnerit te jetes tuaj.

 

 

Disa nga aktivitetet ditore që mund t’i aplikoni në ҫift:

-Planifikoni kohën tuaj si çift për të rritur lidhjen tuaj duke respektuar hapësirën individuale të njëri-tjetrit.

-Gjeni aktivitete argëtuese  për të bashkvepruar  së bashku si lojera te ndryshme.

-Relaksohuni,  dëgjoni muzikë, shikoni filma (komike, romantik), vizatoni së bashku.

-Mësoni diçka të re së bashku në internet. Psh një gjuhë të re, receta të reja (blini dhe eksperimentoni gatime te reja).

-Angazhohuni në aktivitete të shëndetshme si meditimi, joga ose zumba në shtëpi.

– Shkruaj një shfaqje, kënge apo vjershe  dhe më pas interpretoje në mënyrë praktike përpara partnerit.

– Lexoni njëri-tjetrin. Zgjidh një libër që asnjë prej jush nuk e keni lexuar më parë dhe lexojini njëri-tjetrit, duke marrë fjalitë më të përshtatëse në secilën faqe apo kapitull.

Krijoni disa arte karantine për t’i patur kujtim. shprehni ndjenjat tuaja duke bërë diçka krijuese. Piktura është një mënyrë e shkëlqyeshme për të shprehur veten, dhe dashurinë ndaj partnerit.

-Planifikoni dhe ndani punët shtëpiake, mos lejoni që vetëm një bashkëshort të mbartë barrën e punëve shtëpiake.