Traumat në fëmijëri kanë pasoja afatgjata në shëndet

Është një “plagë shpirti”, një ngjarje e papritur që shpërthen negativisht në jetën e njeriut. Dhe nëse ai person është fëmijë, trauma mund të ketë pasoja të rënda në shëndetin fizik dhe mendor me kalimin e viteve. Një studim i ri ka analizuar tani pasojat afatgjata të traumës së fëmijërisë.

Trauma fizike dhe emocionale

Një hulumtim nga Universiteti i Auckland (Zelanda e Re) analizoi 2,888 përgjigje ndaj një sondazhi mbi dhunën në familje të kryer në vitin 2019 dhe shoqëroi vështirësitë e fëmijërisë me gjendjet mendore dhe rrezikun e rritur të zhvillimit të sëmundjeve kronike, nga astma te patologjitë e sistemi i zemrës.

Studimi shqyrtoi efektet e 8 llojeve të traumave të fëmijërisë (si abuzimi emocional, fizik ose seksual, prania e anëtarëve të familjes në burg ose me sëmundje mendore, divorci i prindërve).

Rreth 45% e njerëzve që iu përgjigjën anketës nuk raportuan asnjë ngjarje të padëshiruar në fëmijëri, 21.7% përmendën një dhe 33% më shumë trauma. Studiuesit më pas krahasuan përvojat e tyre me gjendjen shëndetësore të atyre që iu përgjigjën anketës.

Rezultatet nuk lënë asnjë dyshim

Ata që kishin përjetuar qoftë edhe një lloj fatkeqësie të ekzaminuar në fëmijëri, kishin një rrezik në rritje të problemeve të shëndetit mendor. Rreziku ishte tre herë më i madh për ata që kishin përjetuar më shumë se katër lloje të traumave në fëmijëri. Të kesh një anëtar të familjes në burg lidhej 4.8 herë më shumë me goditje në tru, rezultati ishte i dyfishtë për ata që kishin pësuar abuzim fizik, për ata që kishin dëshmuar dhunë në familje ose ishin rritur në një shtëpi ku abuzonin me substanca (alkool, drogë).

Zemra në rrezik

Sëmundja e zemrës ishte 1.49 herë më e përhapur në mesin e atyre që ishin abuzuar emocionalisht; 1.91 në rastin e abuzimit seksual; 1.61 nëse keni qenë dëshmitar i dhunës në familje (1.61) dhe 1.53 në rastin e abuzimit me substanca në familje. Abuzimi me substanca u shoqërua gjithashtu me një rrezik më të madh të astmës (+ 37%). Ata që kishin një anëtar të familjes me probleme mendore (+54) ose ata që jetuan divorcin e prindërve (+47) janë gjithashtu më të rrezikuar nga astma.

Terapitë e propozuara pas një ngjarjeje traumatike pasi çrregullimi është i dukshëm, janë psikoterapia psikodinamike dhe terapitë e sjelljes njohëse.

Add Your Comment